窮人搵食推介 (一)

昨天心情不爽, 下午請假, 跑到"九記"去吃牛腩.

"九記"早已遠近馳名, 除了牛腩極為好味, 另一件著名的是其港式服務態度-->串到咩咁. 記得上次放工特地跑去吃牛腩, 卻剛好碰上該店的"清潔時間" (下午七時十五分至八時三十分), 唯有望門輕嘆, 真是吹脹. 今天差不多二時正到達, 簡陋的小餐廳內仍然是坐無虛席.

牛腩河/粗麵, 二十一元, 比起巿面上一般牛腩河貴了約百分之三十. 我跟朋友分別叫了一碗清湯牛腩河和咖喱牛腩麵.

河和麵很快便送到. 清湯牛腩河, 湯底又鮮又濃, 牛腩又香又軟, 簡直是人間極品. 咖喱汁則稍為"杰"一點, 但非常香辣惹味. 一陣風卷殘雲後, 只剩下兩個空蕩蕩的湯碗, 名符其實連汁都撈埋.

真係抵佢咁串嘅.

有時覺得在香港生活真是幸福, 只花區區$21, 便可享有如斯享受. 夫復何求.

九記牛腩
地址:中環歌賦街21號地下
電話:2815-0723