為了應付新工作, 要更新一下衣櫃內的衣服了.
談起衣服, 幾乎超過三年未曾認真地買過新衫. 原因是舊公司的dress code太寬鬆, 求其西褲恤衫就可以, 加上家中衣櫃爆滿, 所以完全沒有買新衣服的動力. 後來做編輯, 就更'呢啡'了, 牛記笠記攪掂.然而, 新工作是政府部門的經理, 總不成又爛身爛世地返工吧, 於是又再踏足商場的女裝鋪頭. 一看之下......咦, D衫好靚喎, 一看價錢......哇~做乜D衫咁貴架!!!!!! 只是隨便的上衣裙子, 就要幾乎成千銀!!! 都唔計對鞋, 閒閒地都要五舊!
有無攪錯!!! 買幾套衫幾對鞋, 幾乎等於我以前半個月糧啦喎!
孤寒種作怪, 幾乎想立即棄衫而逃...不過, 衣櫃中的幾套舊衣服實在是不夠應付啊......於是又死死氣地返回店內, 試衫, 試褲, 試裙......弄了很久, 才終於買了一套, 花了八百大元, 非常肉赤......
唉, 還要買鞋呢, 看中了馬莎的長靴, 多謝五百五十元......(貴啊 x_x ), 還是下次再買好了......
5 則留言:
我都覺得買suit好肉痛,我會去度身訂造suit,因為價錢不貴,而且很合身,不用買完再改。
度身訂造, 起碼都過千喎...有無好介紹先?
去你最唔愛去的大陸做XDD
我女友話近來去大陸做十一件衫, 只是千六元. 平均一百多元一件. 手工正.(佢話)
近d 香港, 我去做老西, 一千, 又唔錯.(不過我估都佢都係比大陸做)
或者我fd做過, 又係香港, 去做老西, 四百多...不過洗完縮水XDDD
有無興趣?
ps. 大陸鞋千萬不要買.
我唔想去大陸啊... ~><~
不過我知道, 大部份衫其實都係大陸造的...唉, 都係算把啦, 反正環顧office眾女, 都唔係著得好formal, 我諗可以變番以前咁hea...(今日都無化粧添啦...)
銅鑼灣金百利有呀,吾使一千蚊,你去睇下丫
發佈留言