今天失驚無神比大老闆(阿姐)叫入房開會, 真是嘆為觀止.
當你做任何事情都要考慮未來會否揹鑊, 然後採取捨易取難的方法, 就真的令我這一種以效率行先的人極度沮喪.
文件要寫得模稜兩可, 一隻字一句話都要斟酌良久, 任何事情都不能落實, 已決定的又要再反覆查問其他人的意見, 任何事情都要再三 review 才能決定, 已完成的又要重新再補回 paperwork 並找個揹得飛的人簽署, 一份文件要以不同的 format 重做幾次, 每次都要花上加倍的時間核對, 不斷兜兜轉轉沒完沒了......
這便是政府機構, 怪不得人工咁高, 因為要承受這些違反自然的inefficiency, 真係命都短幾年.
3 則留言:
話明係官僚制度,係咁上下啦,而家仲要係問責制,樣樣事都要小心行事,一唔小心就俾人炒兼無埋d長俸呀退休金呀,到時個鐵飯碗變左做乞丐兜,搵鬼可憐你呀~
你做政府工前都應該有心理準備呀.
我覺得你都比較適合做鬼佬公司--講求效率,做事有彈性,不妨又轉下工呀,你實得既!千祈唔好做中國人/祖國公司既工,九死無生~
Dear Can,
咪話我潑你冷水! 以我/你哩類人, 係哩d環境工作, 有錢都無命享呀!
點解我咁講? 因為我都係身受其苦! 但人又老,錢又無,又無其他技能, 只好在這裡忍...
佢地做野唔係對事, 亦唔係想做好d野, 而係點樣做至可以唔使上自己身, 同埋攞到最多的jet so, 加上佢地注重身份地位, 一於攞埋你d尊嚴, 鍾意俾人托...正一心理變態!
所以...當自己還可以, 好好想想吧!
ppdog
陌路人, ppdog:
好心你地咪鬼引我啦! 岩岩先說服自己要留響度直至合約完成(一年姐!), 你地又咁講......
唉, 不過都係唔好啦, 我都唔想又比人話囉. 即係呢......(模擬中)高薪厚職你又唔o岩, 低職薄職你又唔o岩, 究竟你想搵份咩工呀??? 每個月幾皮野兼唔駛做, 有幾十人你使, 有海景大房坐呀? 幾廿歲人唔好咁幼稚啦! 家陣每個月塞錢入你袋, 你估真係唔駛你做呀? 開工啦!
係係, 個地等我掃得架啦......
發佈留言