首天上班, 感覺像是從火坑跳進油鑊.
想像之中, 政府機構應該是階級分明, 有很 formal 的辦公室架構, 有大窗戶的房間, 有一班人聽候我差遣......
當我看到我坐的位置, 不禁倒抽一口涼氣......媽的, 那是個在路邊, 完全open的位置, 對面是Project Assistant, 我的隔離是通道, 最攪野的是, 我的左手邊伸手可及之處有一排in/out tray, 是通往各政府部門的收發中心. 於是每天不停地有人在我旁邊拿起放下文件, 取文件的嬸嬸大聲討論這份該去那裏, 那份又如何如何......
這個幾乎是全個office最差的位置(只比對面的PA好一點), 實在令人沮喪, 連打blog都要鬼鬼崇崇心驚肉跳. 此外, 整個project就是得三個project manager加一個PA, 以後影印打電話check單整filing乜鬼都要自已做, 開會還要take minutes, 簡直是生態災難, 物種大退化.
同級的同事, 其中一名麻甩佬, 自以為自己在政府的經驗豐富, 懶勁咁. 係! 你黎先, 霸左個大房, 我就坐路邊. 但咁唔代表我係你下屬, 我地同級架白痴! 竟然教我點做野, 都黐乜線.
不過, 呢度人工高, 又有五天工作, 準時收工, 想點? 有人話, 收經理人工, 做掃地都抵啦!
ok! 我掃地!
5 則留言:
先恭喜你又有新工，還是高薪厚職的政府工：Ｐ（恨死我）
特地過來想跟你說：這個星期的metropop內會有我的作品，星期四下午在地鐵站派發，有空的話去拿本看看吧！^^
sure! 一定記得拎!
很高興那麼快找到一份新工作,由火坑跳進油鑊...是一件好事呀...有點像由十八層地獄升上十三層地獄....都叫upgrade左呀.....仲想點呢?
你起初轉工是因為記者/編輯工作不如你想像般,人工又低,現在找到一份人工高的,又埋怨工作環境不佳,滿肚子怒火....究竟一份怎樣的工作才能你令稱心滿意呢?
知足常樂.....
Candy,
hee...
妳個 blog 比妳真人有趣多了 :P
點解妳形容妳個位好似我個位咁o既?
真係同是天涯「淪落」人~~~
宜家呢個世界係咁...
職銜與事實不符, 我細佬做技工都叫 Executive Manager @_@:
呢個世界邊得黎咁多 Manager
連做 reporter 都要做埋 model 啦 XD
hee...
我會繼續捧妳場的~~~
在街上見到妳，如果妳唔太 cool，都會同妳打招呼的 :P
Gigi
陌路人:
呵呵,其實對於這份高薪厚職我並沒有太大的不滿, 只是表達手法有點誇張而已, 等大家笑下輕鬆下. 至於位置, 我認為那的確是有問題的, 是同事和老闆會否尊重你的問題. 坐著一個原本是OA坐的位置, 連應該同你平起平坐的同事都會當你係o靚,唔係老闆的就當埋你係佢條o靚點你做事, 實在好有問題. 不過, 我正在努力中, 希望能改善這個狀況.
ps. 工作是永遠不會稱心滿意的, 這是現實啊...
Gigi:
多謝棒場, 的確我真人係悶d, 我其實唔多鍾意交際應酬的, 尤其是跟同事 :p
不過我一定會同你打招呼的 XDDD
發佈留言