五大討厭廣告

這篇文想寫很久了, 因為近來明珠國際台太多精采電視劇(CSI, Insider, Prison Break, LOST, Without a Trace, Medium, ER......多到數唔哂~), 導致看電視時數暴漲, 同時看垃圾廣告的機會亦暴增, 不得不在此怒吼一下.

近日至討厭廣告, 首推翔龍灣, 又長又密又煩. 樓盤廣告無厘頭一向都是香港特色, 但這個實在過份, 究竟是賣女人, 還是賣勞力士(果段音樂)? 不知所謂, 甚麼國際級豪宅, 空泛得有如 '香港=國際都會', 講完等於無講.

第二位, 是富邦銀行. 那個買買下鞋突然呻吟的一幕, 實在極為騎呢. 唔洗腳做腳底按摩更是令人嘔心. 這個廣告還喜歡在明珠台喪播, 每次都想立即轉台(可惜控制壞鬼左, shit!).

第三位, 應是又一城. 一個女人作兩種打扮, 在商場內走來走去那個. 討厭的是廣告播了幾年, 好心無錢就咪鬼播啦.

第四位, 應該已經消失了, 是匯豐銀行的乜乜理財, 內容係一班細路去郊區捉蝴蝶! 如此大銀行, 竟然毫無環保生態意識. 本來我打算投訴的, 但每次都趕不及寫下年月日時間電視台及播放時間, 也忘記了是匯豐銀行的乜乜理財, 後來見這個廣告消失了, 也就作罷.

第五位, 所有近年的樓盤廣告, 總是找幾個老外, 穿著晚裝禮服行來行去飲酒跳舞沖涼, 好悶.

老實說, 我比較喜歡舊屎的經典老土廣告, 起碼夠直接, 深入民心, 例如嗽叭牌正路丸, 美源髮采, 甚至是 '你正我都正, 飲杯竹葉青' , 幾正. 而家? 嘿!

後記:
忽然想起近年其實都有好嘢, 至至至經典的要數到某補習學校的口號: '三個字! 我幫你! 攞高分!' 每次諗起都想笑, 其扮相更是一絕, 得閒上Youtube搵下條片先.

延伸閱讀:
經典廣告 by Moliuology