家中有部黑色NDS, 是老公的生日禮物.
正所謂新屎坑三日香, 的確它曾經是香過幾天的. 但一個月後, 可憐的NDS被棄置於洗衣機面封塵, 不知何日何月才可解封. 原因? 雖然我不大想承認, 但年齡不合應該是一個原因罷......總覺得花時間往那小小營幕係咁篤篤篤很無聊......
曾經玩過一個叫 '心跳回憶' 的追男仔game, 未玩之前以為會很有趣, 玩落覺得又煩又無聊: 又要買衫買鞋, 配呢樣搭果件, 重要配合個男仔喜好(我鐘意果D佢又唔鐘意, 煩!), 又要下下主動約D男仔出街(唔慣囉...), 講D岩聽的說話, 又要睇準時機摸佢(其實唔知係咪咁玩, 次次都乃野攪到人地黑面!)! 總之就煩到咩咁, 玩左幾野就唔想玩啦......
係! 我承認我係老餅, 係唔應該玩呢D少女game的, 自已攞黎衰呀.....X(
4 則留言:
不如上網賣左去把啦。。。。
我無買過呢部機，因為千幾銀，唔係好值得。
我成日見到D"中女"玩到痴痴迷迷，唔記得落車，玩到成個身都傾側晒，仲側過側田果隻....真係咁吸引?我又唔覺，可能呢部機既遊戲都係適合滿懷少女夢想既人玩~~~~
呢隻game我玩到就o黎全部爆晒機喇... -_-"
"可能呢部機既遊戲都係適合滿懷少女夢想既人玩"
小玲你似乎都頗合符上述形容啊~ XDDDD
至於我,搭地鐵寧願聽歌or睇雜誌好了 :)
看見身邊的人玩，也很看不慣，
也是寧願聽聽歌，想想無聊事，
勝過盲目篤篤篤，好像很玩物喪志的樣子，就是不慣。
不是同一個世代的人吧！
好多年前玩過一個「男追女」的遊戲，
又幾爽喎，ｄ女仔都幾易哄，好容易就 追到手。reset，再追第二個。XDD
「女追男」呢個 game，可能真係有訓練用途呢...（積極ｄ諗）
發佈留言