利利是是

路人: 恭喜發財! 豬年行大運!

我: 係係, 你就發財啦~ 我就......

路人: 咪咁啦! 第一年派利是梗係要開心d啦!

我: 係係......

路人: 咦? 乜你咁多款利是封o既?

我: 係呀, 正唔正先?

路人: 維記咖啡粉麵?

我: 哇, 呢個正, 去深水埗食潤牛麵果陣攞架!

路人: 又話唔鐘意熊? 做咩又用Winnie The Fool 利是封呀?

我: 響櫃筒底掘出來的, 頂住先啦...

路人: 咦? 呢隻...呢隻好似係老虎黎喎? 唔通係虎年o既利是封?

我: 邊係呢......明明係隻豬黎架, 你睇清楚啦, 豬黎架!

路人: ......