聞說阿姐(註1)話要特別關照下我, 也許是因為我手頭上的工作積壓吧. 大佬, 廿幾個 project 呀! 都已經日日交 progress report啦, 重想點啊? 而且重有阿佬呢? 做乜下下要 '車' 住我先? 對於這項指責, 我決定不予回應 .
接著阿太好似苦口婆心咁講, 在政府機構, 階級很分明的; 雖然阿姐年紀不算大, 但也要尊重云云......Well, 言下之意似乎是我在無意間得罪了誰吧? 我再想清楚, 是不是我的表情不自覺地透露了我的思想? 有時聽到阿姐的 stupid suggestions, 我會不由自主的面容扭曲, 彷似在臉上寫著 "What the hell are you talking about? ". 心水清者也許會看得出來吧......唉......這個實在是很難改啊.......
本來以為阿太對我很不滿, 但最後竟又叫我盡量接手多點工作, 真是難解......唔......唔通佢有心收我做佢條o靚? 真係大檸樂.
註1 組織關係圖:
阿姐
阿太
阿佬, 我, 阿神, 同事甲
4 則留言:
"不過, 呢度人工高, 又有五天工作, 準時收工, 想點? 有人話, 收經理人工, 做掃地都抵啦!
ok! 我掃地!"
要接手那麼多的工作,已不算是掃地經理啦...嘿嘿~~~~
越來越覺得你的說話及形容人的詞語有趣...
阿神
阿姐.....哈哈
所謂 '跟project', 意思係跟 paperwork, 例如追交報告, 處理有關電話查詢或單據, filing之類的無聊事情, 跟掃地還不是差不多...
今日心情一般, 覺得工作特別無聊, 好想搵過第二份工...
當係過渡期俾自已一個休息的時期,有高人工收,又唔駛咁大壓力,都不錯,休息夠先再找新工作.
發佈留言