增廣見聞

返了個多月工, 今天才首次見到老板娘. 真人如外表一樣, 完全是bitchy feel. 一大早就輪流鏟, 巿務部首當其衝, 2個主管壯烈犧牲, 當眾被鬧至午飯都無得食. 我聽著巿務部的人們逐一被鏟, 見一個死一個, 好想幫佢地講句阿門.

跟住到IT部, 被人當狗般喝: "xxx (連名帶姓咁叫)你係咪搵我! xxx!" 說話完全無尾音! 由於IT部有好多project未完成(寫到成個white board都係, 以我睇無兩年都做唔完), 睇黎都唔會有好日子過. Oh, by the way, 我地個IT部, 總共有三名同事咁大把囉(包括主管添呀!).

跟住重攪笑, 有人無啦啦發爛碴, 站在公司中央大叫: 你地究竟幾時齊人! 我幾時至可以同你地開會? 你地放假我係咪應該知? 你地比番幾日我得唔得? 真係想問下佢係咪腦有事, 放年假都唔得? 佢自己放完幾個月大假返來, 下屬放一兩日就係死罪, 你估老板真係大哂咩? 好低能, 香港有勞工法例的, 一個星期返足七日呀笨.

幸而編輯部沒有人被鏟, 只見總編輯比人一句 "xxx!" 咁叫左入房, 之後發生甚麼事就不知道了, 不過見佢打直行出番來, 應該沒有事罷. 我只希望以後不要跟這個婆娘有任何瓜葛, 實在太可怕了. 有這樣的老板娘, 怪不得這家公司如此刻薄了.